Rama: Unë jam si arusha Silva… Por po ta dinte fundin e saj, kryeministri do hiqte dorë nga krahasimi

Kryeministri Edi Rama është mesditën e sotme i ftuar në emisionin e Ardit Gjebresë në TV Klan. “Është këtu për të dëgjuar mesazhet e disa fëmijëve speciale”, tha Gjebrea teksa prezantoi Ramën.
Sakaq e pyeti Kryeministrin për raportin e tij me fëmijët në përgjithësi. “E kam një raport special me fëmijët sepse unë për ta jam Ari Silva që na impresiononte dikur…Kur ishim të vegjël shkonim te cirku i Tiranës dhe prisnim aty jashtë që të dilte Silva me Tahir Baçovën që e tërhiqte prej dore dhe ne i shkonim nga prapa”, shprehet Kryeministri.
Por, po ta dinte fundin e saj, kryeministri do hiqte dorë nga krahasimi… Në vitin 1981, arusha Silva përfundoi e pushkatuar nga një togë pushkatarësh… DRONI.al