FOTO LAJM/ Lulzim Basha mbledh gazetarët në zyrë, por stonon me një drekë “simotër” 4.6 milionë lekëshe të Niko Peleshit

Kreu i Partisë Demokratike Lulzim Basha ka mbledhur në zyrë gazetarët. Këtë mëngjes, gazetarët e politikës janë mbledhur në një tryezë modeste me kryedemokratin.
Ndryshe nga zyrtarët e tjerë të lartë të cilët i kanë mbledhur gazetarët për dreka e darka në ambiente të ndryshme, Basha ka zgjedhur selinë e PD. Kjo mbase edhe për faktin se ai është i angazhuar me përgatitjet për protestat që pritet të mbahen në janar.
Në fotot e publikuara, duket se kreu i PD i ka qerasur me një gotë shampanjë dhe ëmbëlsira. Takimi i Bashës me gazetarët, për atë që gjenden në tavolinë, stonon nga drekat e shumta që institucione e ministri po shtrojnë këto ditë. Ky takim stonon edhe me drekën “simotër” të Niko Peleshit me gazetarët për të cilën janë tenderuar 4.6 milionë lekë (të vjetra).DRONI.al