Elbasan, shpërthen ‘Fuoristrada’, policia dyshon për eksploziv

Një Fuoristradë ka shpërthyer dhe më pas është djegur plotësisht në lagjen 5 Maji në Elbasan. Dyshimet janë se automjeti ka shpërthyer për shkak se i është vendosur eksploziv. Banorët e zonës kanë dëgjuar një shpërthim të fortë, ndërsa zjarrfikësit kanë ndërhyrë për të shuar flakët. Policia ka shkuar në vendin e ngjarjes, në zonën që njihet si “Pallatet e bashkisë” dhe ka nisur hetimet.