Fill pas përfundimit të takimit me kreun e PD-së, Lulzim Basha, ambasadori i SHBA-ve, Donald Lu i është drejtuar selisë së LSI ku po takon kryetaren Monika Kryemadhin. Takimet e Lu me krerët e opozitës vijnë vetëm dy ditë pas protestës para Parlamentit dhe zgjedhjes së Kryeprokurores së re, por edhe pas paralajmërimeve për përshkallëzim të kryengritjes popullore duke filluar nga janari. Mësohet se takimet e ambasadorit Lu me Bashën dhe Kryemadhin janë kërkuar prej atij vetë.
