Berisha: Respekte për Arta Markun dhe familjen e saj, por dje u zgjodh kryeprokuror Edi Rama

Ish-Kryeministri Sali Berisha, në emisionin “360 Gardë” të Artur Zhejit në TV “Ora News, komentoi zgjedhjen e Kryeprokurores së seancën e djeshme parlamentare, ndërsa tha se në detyrën e Prokurorit të Përgjithshëm u zgjodh Edi Rama.
“Respekte për Arta Markun dhe familjen e saj, por dje u zgjodh kryeprokuror Edi Rama. Nuk ka asnjë emër, këtu është vetëm Edi Rama për tu bërë kryeprokuror, për të mbyllur dosjen Tahiri, sepse është dosja Rama. Kur përdorja termin narkoshtet, isha i vetmuar. Sot narkoshtet përdoret universalisht për Shqipërinë. Vijmë këtu. Nuk ka një specialist të vetëm në Shqipëri, majtistë të thekur, që e kanë quajtur normale këtë zgjedhje. Arta Marku ka vetëm një qëllim që të mbyllë dosjen Tahiri, që në fakt është dosja Edi Rama”, tha Berisha. DRONI.al