Një ngjarje, që nëse do të kishte ndodhur gjatë ditës do të ishte shndërruar në tragjedi ka ndodhur rreth orës 06:00 të mëngjesit të sotëm, në lagjen “Mangalem” të Beratit. Afër kishës së Shën Mërisë ka rënë një masiv shkëmbor prej majës së Kalasë. Masivi shkëmbor afro 7 m3 ka bllokuar qarkullimin në aksin kryesor të qytetit.
Fatmirësisht, nuk ka pasur viktima, ndërsa Bashkia e Beratit njofton se angazhoi forcat e saj, të cilat bën të mundur për një kohë të shkurtër heqjen e masës shkëmbore, pastrimin e rrugës, duke mundësuar lëvizjen e lirë të automjeteve. Në bashkëpunim edhe me institucione të tjera, Bashkia e Beratit është duke marrë të gjitha masat për të shmangur rreziqet e rrëshqitjeve në këtë lagje.
