Punimet e seancës së sotme parlamentare kanë nisur në Kuvendin e Shqipërisë me një sallë gjysmë të zbrazur. Deputeti socialist Erion Braçe ka nisur interpelancën me Ministrin e Bujqësisë, Niko Peleshi dhe pikërisht kjo përballje, të cilën opozita e ka cilësuar një shou, e ka mbajtur këtë të fundit larg karrigeve të Kuvendit.
Sipas PD thanë se deputetët e saj do të shkojnë në Kuvend pasi të ketë përfunduar interpelanca Braçe-Peleshi, pasi nuk dëshirojnë të bëhen dekor për interprelanca false dhe teatër politik. Në këtë senacë nuk do të marrë pjesë kryedemokrati Lulzim Basha, pasi ndodhet për një vizitë pune në Londër.
