Tiranë, kthehej nga shkolla dhe zhduket 18 vjeçarja, babai kërkon ndihmën e policisë

Një 40-vjeçar me iniciale Xh. Gj., banues në fshatin Pezë e Madhe, ka bërë denoncim në polici ditën e djeshme për vajzën e tij.
Vajza 18-vjeçare pasi ka mbaruar mësimin nuk është kthyer në shtëpi, kjo ka shqetësuar prindërit deri sa kanë vendosur të kërkojnë ndihmën e policisë për gjetjen e saj.
Policia ka nisur menjëherë kërkimet për 18-vjeçaren.
Materialet u referuan në Prokurorinë e Rrethit Gjyqësor Tiranë.