Tusk “ia pret shkurt” Ramës: Vijoni reformat, për të avancuar në rrugën drejt BE

Presidenti i Bashkimit Europian Donald Tusk ka zhvilluar sot një takim me kryeministrin Edi Rama, gjatë samitit në Bruksel. Ka qenë vet Tusk ai që ka publikuar një mesazh mbi takimin në ‘Twitter’, si dhe një foto ku shihen dy zyrtarët.
Presidenti i BE theksoi se reformat për shtetin ligjor në Shqipëri duhet të vijojnë me të njëjtin ritëm.
“Një takim i mirë me kryeministrin Edi Rama përpara Samitit të Ballkanit në 17 maj në Sofia. Nevojë që reformat për shtetin ligjor të vijojnë me të njëjtin ritëm për të avancuar në rrugën drejt BE”, thuhet në mesazhin e Tusk.