Gjykata e Krimeve të Rënda ka pranuar kërkesën e Prokurorisë për çështjen Shullazi. Prokuroria kishte kërkuar ballafaqimin e Ylvi Beqjas dhe noteres Aida Spahiu për shkak të dëshmive të ndryshme. Gjykata ka pranuar që të bëhet ballafaqimi i Ylvi Beqajt dhe shoferit të tij RomeoTarja. Gjithashtu është pranuar kërkesa për ballfaqimin e Besnik Musajt me noteren Spahiu. Sipas organit të akuzës ballafaqimi i këtyre personazheve me rëndësi në hetimet për çështjen do të realizohet për të vërtetuar kërcënimet ndaj Ylvi Beqjas. Mësohet se kërcënimet janë konfirmuar edhe nga Besnik Musaj. Biznesmeni Ylvi Beqaj ka deklaruar përpara trupit gjykues se është kërcënuar për nënshkrimin e kontratës.
