“Bomba” e Prokurorisë për paratë e “ortakut” Sota : Dyshojmë se 863 mijë euro janë të Saimir Tahirit

Në seancën që po zhvillohet aktualisht në ambientet e Gjykatës së Krimeve të Rënda për çështjen e biznesmenit 25 vjeçar Orest Sota, organi i akuzës ka paraqitur përgjime ambientale të 25 vjeçarit. Ndërkohë, prokurorët e Krimeve të Rënda që kanë në shqyrtim dosjen “Tahiri”, Gentian Osmani dhe Elisabeta Imerajnë një deklaratë bombë kanë thënë se dyshojnë që paratë e sekuestruara në automjetin e biznesmenit Ores Sota, lidhen me ish-ministrin e Brendshëm  Sajmir Tahiri. Sipas tyre, itinerari që makina u nis nga Rinasi ishte i çuditshëm, ndërsa dyshimi shtohet prej faktit se nga shuma e sekuestruar prej 863 mijë euro, 250 euro ishin false. Sipas prokurorëve kjo vërteton se nuk janë tërhequr nga banka dhe paratë ishin të hedhura kuturu në makinë.