Seanca maratonë për buxhetin e vitit 2018, e mbushur me diskutime dhe debate të shumta në Kuvend është mbyllur me miratimin në parim të projektbuxhetit të paraqitur nga qeveria. Seanca nisi nga ora 10:00 e së enjtes dhe përfundoi në orët e para të së premtes, saktësisht rreth orës 02:05. Parlamenti miratoi në parim projektbuxhetin për vitin 2018 me 75 vota pro të mazhorancë dhe 47 vota kundër të opozitë, ndërsa 17 deputetë abstenuan. Votimi në parim i projektbuxhetit solli përplasje të forta midis pozitës dhe opozitës, nga ku kryetari i PD Lulzim Basha kërkoi mos votimin në parim të këtij projektbuxheti pasi sipas tij favorizon pastrimin e parave të bandave dhe të hashashit.
