Babai i njërit prej komandove që dezertuan nga ushtria dhe u arratisën në Angli ka reaguar për aktin e kryer nga i biri. Babai i Aleksandër Shkulakut është shprehur se e dënon veprimin e djalit të tij, por thekson se shteti shqiptar nuk e vlerësonte aspak të birin. “Aleksandri ishte më i përgatituri në ushtri. Ka qenë me mision në Afganistan. Djali s’kishte vlerësimin financiar të merituar. Merrte 290-315 mijë lekë të vjetra. Ai na ndihmonte edhe ne financiarisht. E dinim që ishte në Angli, por nuk kemi komunikuar. Ka bërë një veprim te nxituar. Lajmin e kemi mësuar nga të njohurit tanë në Angli”, ka thënë Lulzim Shkulaku, babai i Aleksandrit për News24.
