Durrës, treni përplaset me automjetin e policisë, tre të lënduar

Një aksident i rëndë ka ndodhur në Durrës, ku treni i linjës Durrës-Elbsan është përplasur me mjetin e policisë. Mësohet se ngjarja ka ndodhur në lagjen nr.13, sektori Iliria. Të plagosur nga përplasja kanë mbetur tre punonjësit e policisë. Efektivët me iniciale, E.J dhe S.D pasi morën mjekimin e duhur u dërguan në shtëpi. Ndërkohë shtetasi SH.P. ndodhet në spital jashtë rrezikut për jetën. Treni drejtohej nga mashinisti M.K, vjeç 61, banues në Durrës.