Policia në pikën kufitare të Kakavijës ka zbuluar një armë krejt të pazakontë. Stilolapsi-pistoletë i është gjetur një të riu, i cili ka tentuar të kalojë drejt shtetit grek. 30-vjeçari e kishte futur armën në xhepin e xhupit, duke u munduar ta kalojë si një stilolaps të thjeshtë. Ka qenë policia ajo që e ka pikasur pas kontrollit dhe ka bërë ndalimin e të riut. Sipas GH.al stilolapsi-pistoletë është prodhuar në fabrikën e Poliçanit, ndërsa mbetet mister arsyeja e kalimit të të riut me armë zjarri drejt Greqisë.
