Një 31 vjeçar shqiptar ka rënë në prangat e Policisë italiane, pasi në banesë i është gjendur një sasi prej 11.5 kilogramë kokainë. I arrestuar është shtetasi Besian Elezaj, që banonte në qytetin e Bolonjës. Ai e kishte fshehur drogën në një hapësirë të dyfishtë të dollapit në apartamentit të tij, por pas kontrollit të imtësishëm, agjentët italianë arritën të zbulonin lëndën narkotike. Sipas policisë, kokaina e sekuestruar ishte e një cilësie të pastër, vlera në treg e së cilës do të arrinte qindra mijëra euro.
