EMRI/ Rrogozhinë, për pronën godet me thikë në kokë djalin e xhaxhait

Shërbimet e policisë Kavajë, më datë 02.11.2017, arrestuan në flagrancë Xhevahir Hasa, 28 vjeç, banues në fshatin Stërbeg – Rrogozhinë.
Ky person për motive pronësie ka ushtruar dhunë fizike ndaj djalit të xhaxhait, R. Hasa, 21 vjeç dhe duke përdorur armë të ftohtë (thikë) i ka shkaktuar atij dëmtime të lehta në kokë.
Materialet iu referuan Prokurorisë së Rrethit Gjyqësorë Kavajë, në ngarkim të shtetasit të lartpërmendur për veprat penale “Dhunë në familje” dhe “Prodhim dhe mbajtja pa leje e armëve të ftohta”, parashikuar nga nenet 130/a/2 dhe 279/1 të Kodit Penal.