Emigranti shqiptar vdes në punë, i ra pllaka metalike mbi trup

Një emigrant shqiptar ka vdekur si pasojë e një incidenti ne pune. Ngjarja ka ndodhur në Greqi. Mësohet se shqiptari ka qenë duke transportuar një pllakë të madhe metalike e cila aksidentalisht ka rënë mbi të, duke e plagosur rëndë, e më pas duke ndërruar jetë në spitalin e Kretës, pasi nuk mundi dot t’i mbijetonte plagëve dhe traumës së shkaktuar nga objekti i rëndë. Në incident u plagosën dhe dy punëtorë të tjerë, por fatmirësisht nuk pësuan lëndime serioze. Ngjarja ka ndodhur ditën e djeshme në Kretë dhe sipas medias shqiptari që humbi jetën ishte i moshës 40 vjeçare.