Lezhë, 56 vjeçari vetëhelmohet me fotoksinë

Një 56 vjeçar i ka dhënë fund jetës duke u vetëhelmuar me fotoksinë. Ngjarja ka ndodhur në banesën e tij në lagjen “Skënderbeg” të Lezhës. Mësohet se është vetëhelmuar me fostoksinë 56-vjeçari N.P.. Ai u gjet nga familjarët në gjendje të rëndë, të cilët e dërguan për marrjen e ndihmës së nevojshme në spital. Por pavarësisht ndihmës së marrë nga bluzat e bardha ai gjeti vdekjen. Dyshimet paraprake janë se viktima i ka dhënë fund jetës në gjendje të rënduar psikologjike. Sipas deklaratave të të afërmve në Policia, i ndjeri kishte shfaqur shenja mërzie kohëve të fundit dhe ishte mbyllur në vete. Gjithsesi për të zbuluar më shumë mbi rrethanat e ngjarjes, materialet iu referuan Prokurorisë së Lezhës për veprën penale “Shkaktimi i vetëvrasjes”.