Vlorë, shkrumbohet nga zjarri automjeti i oficerit të Policisë

Makina e një punonjësi policie është përfshirë nga flakët mesnatën e mbrëmshme në Vlorë.
Policia Vendore e Vlorës bën me dije se rreth orës 02:50 ka marrë një thirrje në sallën operative se makina e shtetasit Sh. N., me funksion ndihmës/specialist zone në Komisariatin e Policisë Vlorë është përfshirë nga flakët poshtë pallatit ku ka qenë e parkuar.
Në vendngjarje kanë shkuar shërbimet e policisë, grupi hetimor si edhe shërbimi zjarrfikës, ku këta të fundit kanë bërë të mundur shuarjen e flakëve.
Grupi hetimor vijon punën për përcaktimin e shkakut të rënies së flakëve të zjarrit në automjet.