Veliera me emrin “Nano Nini” ishte me flamur italian dhe në të ndodheshin 2 persona, një italian dhe një shqiptar. Anija kishte mbërritur në breg të Darzezës në Fier, që të ngarkohej me 1 ton kanabis sativa, dhe më pas do të transportohej për në Itali. Anija velierë është bllokuar mes plazhit të Levanit dhe Darëzezës. Dy trafikantët e kishin hedhur lëndën narkotike në det, ndërsa po rikuperohet. Deri tani rreth 90 pako të mëdha janë sekuestruar nga ana e Policisë. Skafistët janë shoqëruar në Polici për veprime të mëtejshme.
