Instagrami është një ndër rrjetet sociale më të ndjekura në botë.
E bën të ndjekur edhe dëshira e njerëzve për të ndarë çdo moment të jetës me të tjerët nëpërmjet postimeve të shumta duke i bërë ata edhe më të fiksuar pas dukjes.
Megjithatë, janë disa sjellje që bëhen të bezdisshme për personin tjetër që ju ndjek duke e humbur interesin për të mësuar të rejat tuaja në vazhdim.
Ja disa prej tyre:
Të fotografoni çdo gjë që konsumoni
Kjo është një tendencë shumë e përhapur më shumë tek të rinjtë të cilët sa herë kosumojnë diçka, më parë e fotografojnë atë për ta hedhur në Instagram. Kjo mund të jetë vërtetë bezdisëse për të tjerët.
Të ndërroni veshjen disa herë gjatë ditës
Aq më tepër kur kjo bëhet pa arsye, sepse nuk ekziston asnjë arsye e vlefshme për të ndryshuar veshjen pesë herë në ditë apo për të nxjerrë çdo fustan apo kostum me një foto në Instagram! A nuk do të ishte më mirë të hapnit një dyqan rrobash dhe t’i reklamonit aty?
Të postoni gjithçka ndodh në çift
Nëse postoni ndonjë foto në përvjetor apo një festë me partnerin, është diçka normale. Madje edhe ndonjë foto në përditshmëri. Por të postoni në Instagram foto thuajse çdo ditë me partnerin, të fejuarin apo bashkëshortin, atëherë dijeni se e keni tepruar në sytë e të tjerëve. Hajde pra, dashuria e madhe nuk ka nevojë për shumë ekspozim!
Të bëni 15 selfie çdo ditë
Selfie është kthyer në “drogën” e shumë personave të cilët bëhen të varur prej saj. Të fotografosh veten shumë herë gjatë ditës dhe t’i postosh menjëherë në Instagram, nuk është normale.
Publikimi i fotove të shtirura spontanisht
Buzëqeshje spontane apo flokë të shpupurisura “rastësisht”? Jo, këtë nuk e beson askush ndaj mjaft e torturuat mikun/miken që t’iu kapë pozën perfekte .
Abuzimi me #ThroëbackFriday
“Regresi i së premtes” (#ThroëbackFriday) është një tendencë shumë e ndjekur në Isntagram. Por kjo nuk do të thotë se jeni të detyruar që të postoni ato të vitit 1990 për t’u bërë medoemos pjesë e këtij trendi.
Gënjeshtra #Nofilter apo përdorimi i ekzagjeruar i photoshop-it
Me update-imin e Instagramit ku fotot mund të zmadhohen nga secili prej jush, nuk është e vështirë për të kuptuar nëse është përdour filtër apo photohop.
Postimi i fotove të njëjta
Dakord, edhe nëse jeni me pushime, kjo nuk ju autorizon të publikoni 20 foto të këmbëve tuaja mbi shtrat apo pranë detit, po kështu edhe dorën tuaj, e cila mban një pije përballë horizontit.
Postimi i fotove jo të vërteta
Askush nuk do t’ju besojë kurrë se po pini lëng limoni me çantën Chanel të vendosur përsosmërish për të treguar një vend të caktuar apo sandalet e reja si të vendosura rastësisht nën të njëjtën kornizë, kur në fakt ju nuk e keni mundësinë e një kushti të tillë dhe kur të tjerët e dinë shumë mirë këtë gjë!
