Një krim pasioni ka ndodhur pasditen e sotme në komunën Casale Monferrato (Alessandria) të Italisë, ku një burrë shqiptar vrau me thikë ish-bashkëshorten e tij.
Mediat italiane bëjnë të ditur se Kujtim Hasana goditi me thikë kuzhine ish-gruan, 48-vjeçaren Elena Seprodi. Nuk është bërë e qartë ende kombësia e viktimës, por mediat shkruajnë se mund të jetë rumune ose hungareze.
Policia e gjeti Hasanën me thikë në dorë kur u futën në shtëpi.
Mediat shkruajnë se shqiptari ishte ulur pranë trupit të pajetë të viktimës, që ishte në dysheme. Kujtim Hasana nuk e ka mohuar vrasjen.
Ish-çifti që kishte një fëmijë bashkë ishin zënë disa herë për çështje parash dhe ngjarje të tjera të shkuara.
