Persona ende të paidentifikuar kanë rrahur barbarisht Drejtorin e Përgjithshëm të Burgjeve.
Bëhet fjalë për ushtruesin e Detyrës së Drejtorit të Përgjithshëm të Shërbimit Korrektues të Kosovës, Sokol Zogaj.
Ngjarja e rëndë ndodhi sot rreth orës 07:00 të mëngjesit kur ai po dilte nga banesa e tij në Prishtinë.
Lajmin e bën të ditur Ministria e Drejtësisë.
Ministria e Drejtësisë ka dënuar ashpër sulmin brutal ndaj z. Zogaj, dhe i fton organet kompetente ta trajtojnë rastin, në mënyrë që kryerësit e këtij akti brutal të dalin para organeve të drejtësisë.
