Në televizionin privat të kryeministrit Rama, ERTV, u transmetua sot një dëgjesë publike e zhvilluar në qytetin e Fierit.
Por sipas disa qytetarëve, dëgjesa është bërë dy ditë më parë.
Ata kanë dërguar foto dhe materiale prej të shtunës në faqen e internetit JOQ.
Sipas tyre, materiali është regjistruar dhe i përpunuar në studiot e montazhit të kryeministrit, pasi është çensuruar fjala e tyre dhe kryeministri ka shfaqur atë që ai do që të tjerët të dëgjojnë dhe jo çfarë është thënë realisht në takim.
Qytetarët pretendojnë se janë hequr totalisht diskutimet që ata kanë bërë me kryeministrin, ku kanë denoncuar zyrtarë të ndryshëm dhe afera korruptive.
