Darka Trump-Macron në Kullën Eiffel, ja fatura marramendëse dhe kush e pagoi

Takimi i dy presidentëve Donald Trump dhe Emmanuel Macron do të mbahet mend gjatë në memorjen kolektive.
Kjo për faktin që ata të dy bënë shtrëngimin më të gjatë të duarve që është bërë ndonjëherë midis dy liderëve politikë, por edhe për darkën që konsumuan më bashkëshortet e tyre në “Kullën Eiffel” në Paris.
Në lidhje me darkën luksoze u zbuluan detaje për çmimet e ushqimeve që porositën.
Një darkë kjo që u përfol shumë, por pa e ditur se sa ishte fatura deri më sot kur në rrjetet sociale po qarkullon një faturë e pretenduar si fatura që Trump ka paguar për darkën në restorantin luksoz.
Sipas “Daily Mail” çmimi i darkës në kullën Eifel i çifteve presidenciale ishte afro 155 mijë euro.
Në faturën e publikuar nga “Daily Mail” shihet që është porositur një pjatë me spinaq dhe salcë holandeze, fileto viçi dhe patate, karkaleca dhe po ashtu si ëmbëlsirë çokollatë e ngrohë dhe akullore me kakao.
Nuk mungoi dhe një tiramisu e madhe, që në menu është e shënuar “XXL”.
Në menu përfshihen dhe 4 shishe ujë mineral, dy Coca Cola, si dhe një shishe shampanjë “Armand de Brignac”, çmimi i së cilës zinte pjesën më të madhe të faturës, plot 130 mijë euro.
250 euro gjithashtu janë shpenzuar për puro.