Zëvendësministri i Punëve të Brendshme të Maqedonisë, Agim Nuhiu ka vizituar mbrëmjen e sotme ish-ministrin Arben Ahmetaj, i cili ka mbetur i plagosur në një aksident rrugor të ndodhur në Kumanovë.
“Falë Zotit, vëllai ynë, ish-ministri i Financave i Shqipërisë Arben Ahmetaj iu shmang pasojave dhe lëndimeve të rënda trupore nga një aksident automobilistik të pësuar në orët e pasdites në afërsi të Kumanovës.
Edhe personat e tjerë të aksidentuar kanë pësuar lëndime trupore dhe janë jashtë rrezikut për jetë!
Uroj shërim të shpejtë për të gjithë të aksidentuarit!”, ka shkruar Nihiu në “Facebook”.
Ish-ministri Ahmetaj mbeti i plagosur pas një aksidenti me një autobus dhe një makine tjetër.
