Këshilltari i Helga Vukajt, ministres teknike të Financave, Asllan Shehra ka dhënë sot dorëheqjen nga ky post. Në vendin e tij është emëruar Eriselda Prishta.
Kjo dorëheqje pason atë të dy këshilltarëve të ministrit të Brendshëm teknik Dritan Demiraj.
Gjatë ditës së sotme nga ministria e Brendshme e drejtuar nga Dritan Demiraj dhanë dorëheqjen Muhamet Rrumbullaku dhe Aleks Hajdari, dy ish-drejtues të policisë që u zgjodhën nga vetë Demiraj si këshilltarë të tij.
Këto janë dorëheqjet e para në nivel këshilltarësh pas marrëveshjes politike të 18-majit mes kryeministrit Edi Rama dhe liderit demokrat Lulzim Basha, ku u emëruan 6 ministra teknikë dhe zëvendëskryeministrja.
Ministrat teknikë
Ledina Mandia, Zv Kryeministre
Dritan Demiraj, Ministër i Brendshëm
Helga Vukaj, Ministre e Financave
Arben Beqiri, Ministër i Shëndësisë
Xhuljeta Kërtusha, Ministre i Mirëqenies Sociale
Mirela Karabina, Ministre e Arsimit dhe Sportit
Gazmend Bardhi, Ministri i Drejtësisë
