Fier, donte të digjte barishtet por i vuri flakën vetes

Një i moshuar i ka vënë flakën vetes duke marrë plagë të shumta.
Ngjarja ndodhi në qytetin e Fierit, në fshatin Mbrostar Ferko.
Mësohet se i moshuari është djegur nga zjarri që kishte ndezur për të djegur barishtet në tokën e tij.
Për shkak të djegieve të shumta pas ndihmës së marrë në spitalin e Fierit, ai u dërgua për në Tiranë, ku ndodhet në repartin e djegieve në QSUT.
Paraprakisht dyshohet se ngjarja është aksidentale, ndërkohë që materialet i’u referuan Prokurorisë së Fierit, për vlerësim.