Krujë, shpërthen në tritol makina e oficerit të krimeve

Një makinë ka shpërthyer pasi i kishin vendosur një sasi tritoli.
Makina ishtë në pronësi të një oficeri policie, i cili mbulon krimet e rënda, me inicialet T.M.
Ngjarja ndodhi gjatë natës në rrugën “Kastrioti”, në Krujë. Eksplozivi ishte vendosur në pjesën e përparme të automjetit. Nga shpërthimi ka pasur vetëm dëme materiale.
Policia ka mbërritur në vendngjarje dhe ka nisur hetimet për të zbuluar autorët.