Durrës, maskat lidhin rojën dhe rrëmbejnë kasafortën dhe furgonin e Kantinës “Gjergj Kastrioti”

Policia e Durrësit ka bërë të ditur se rreth orës 04:00 të mëngjesit të sotëm,në Rrashbull, në Kantinën e Verës “Gjergj Kastrioti”, tre persona me maska, kanë hyrë në ambientet e Kantinës, kanë lidhur rojën dhe në një nga zyrat  kanë marrë një kasafortë.
Më pas kanë marrë edhe mjetin e Kantinës, furgon tip “Benz” me targa DR 3538 D dhe janë larguar.
Me të marrë njoftim menjëherë në vendngjarje kanë shkuar Efektivet e Policisë, të cilët po punojnë për identifikimin dhe kapjen e autorëve.