Portugali, zjarret pushtojnë pyjet, 39 viktima

Një zjarr masiv ka marrë 39 jetë njerëzish. Ngjarja e rëndë ndodhi në pyjet e Coimbras në juglindje të Portugalisë.
Sipas mediave lokale të paktën 39 persona kanë gjetur vdekjen dhe një numër i konsiderueshëm ka mbetur i plagosur.
Autoritetet njoftuan se shumica e viktimave humbën jetën në përpjekje për t’u larguar nga zonat e përfshira nga zjarri.
Kryeministri Antonio Costa e quajti këtë ngjarje si tragjedinë më të madhe që ka parë Portugalia gjatë viteve të fundit nga zjarret.
Numri i viktimave, fatkeqësisht pritet të rritet.