Shpërthim në ambasadën amerikane, policia: Akt terrorist

Një shpërthim ka ndodhur në kompleksin e Ambasadës së Shteteve të Bashkuara në Kiev.
Lajmi është raportuar nga autoritetet në Ukrainë të cilat theksuan se ka shpërthyer një pajisje por fatmirësisht nuk ka persona të lënduar.
Policia tha se shpërthimi ka ndodhur rreth mesnatës, duke e konsideruar si një akt terrorist.
“Hetuesit kanë zbuluar se një person i panjohur ka hedhur pajisje shpëthyese në bazën e misionit diplomatik”, tha përmes një deklarate policia.
Ambasada amerikane nuk e ka komentuar ende rastin.