Itali, atentat me breshëri plumbash mbi 25 vjeçarin shqiptar

Një atentat i stilit mafioz i është bërë një të riu shqiptar në mes të kryeqytetit Italian.
Ngjarja ka ndodhur orët e ovna të natës, në zonën Monterotondo Scalo në Romë, ndërsa indentiteti i të riut nga Shqipëria nuk bëhet i ditur nga media italiane.
I riu së bashku me të vëllanë po i drejtoheshin hyrjes së pallatit ku kishin apartamentin, kur dy persona mbi një skuter i janë afruar dhe kanë qëlluar me pistoletë mbi 25 vjeçarin.
Momentalisht gjendja e të riut është e rëndë., shkruan express.
Ai po lufton me vdekjen në spitalin Sant’Andrea të Romës. Hetimet për zbardhjen e ngjarjes po drejtohen nga karabinierët e Monterotondo.