Kreu i LZHK-së, Dashamir Shehi, i ftuar në “Arena” nga Dritan Hila në Ora News zbuloi se çfarë ndodhi mbrëmjen e shkuar në takimit e partive politike për zgjidhjen e krizës politike. Ai vlerëson marrëveshjen e arritur.
Pjesë nga biseda
Dashamir Shehi:
Unë gjykoj që kaq shumë ministra sa janë është një qeveri teknike, koha e lënë është e pamjaftueshme. Shumë institucione që do të ushtrojnë kontroll janë arritur. I arrit që të biem dakord për Vetting-un. Do t’i kishim hequr PS-së një armë që ka keqpërdorur në kurriz të opozitës. Ka tre muaj që thotë të korruptuar, kanë frikë Vetting-un. Kjo prapë është në avantazh të opozitës. Sot e tutje Rama nuk e ka më në dorë Vetting-un. Vetting-un duhet t’ia kishim hequr me kohë.
Dritan Hila: A e ndjetë veten pak të përjashtuar kur ju tha Rama me Bashën që dilni jashtë…
Dashamir Shehi:
Jo! Sepse me të thënë të drejtën ikën të dy në një zyrë tjetër. Nuk qe e sëkëlldisshme kjo punë. Nuk ka rëndësi kjo. Bënë mirë që ndjenjën veç. Unë e gjykoj që pa atë raport personal nuk do të arrihej kjo marrëveshje me gjithë frymën cinike. Unë jam prej atyre që i kam sugjeruar Bashës që të takoj kundërshtarët e vetes ballas. Kur ishim bashkë nuk mbërritëm asgjë.
Ne të gjithë ishim atje. Mbase nga një telefonatë përtej detit mundën të arrinim këtë marrëveshje, që unë e konsideroj sukses, pavarësisht mangësive. Shqiptarët shkojnë në zgjedhje me një filozofi të re për herë të parë.
