Kreu i opozitës Lulzim Basha tha se nuk ka asnjë ndryshim në kursin e protestës së opozitës për zgjedhje të lira ndërsa mbajti një fjalim me tone të ashpra tek cadra e opozitës.
“Le ta dinë mirë se ajo që kemi nisur dje nuk do të ndalet. Kemi dy zgjidhje, njërën e kemi bërë, tjetrën e ka në dorë republika e vjetër. Një përgjigje er mori dje republika e vjetër nga masivitetit i shqiptarëve, zgjidhja e dytë është , le ta dëgjojë cdo mik, qytetar, mik i huaj dhe kundërshtarët tanë, zgjidhja tjetër është kjo: ose do ta cmontojmë krimin dhe dorgën në pushtet përmes zgjedhjeve të lira të ndershme ose do ta përmbysim përmes marshimit, bashkimit qëndresës popullore. Nuk ka rrugë tjetër. Në një mënyrë apo në një tjetër krimi do të cmontohet, droga do të cmontohet, republika e vjetër do të përmbyset. Kjo është rruga e vetme drejt Europës. Cdo kush tjetër që bën interesin e qeverisë për pushtet apo pasuri le ta dijë se pazare për kompromis për zgjedhje të lira dhe të drejta nuk ka për të pasur”, tha Basha.
