Një person u plagos rëndë sot pasdite me një plumb në kokë në një lokal në Tiranë. Rreth orës 15:30, ka shkuar në S.Q.U., shtetasi F. Ll., 28 vjeç, me një plagë në kokë, e shkaktuar nga një armë zjarri.
Nga hetimet paraprake të kryera nga grupi hetimor dhe Specialistët për Krimet ndaj Jetës në policinë e Tiranës është mësuar se ngjarja ka ndodhur në zonën e Vishnjes, tek një lokal.
Dyshohet se ky shtetas është vetëplagosur me një pistoletë. Grupi hetimor po punon për zbardhjen e plotë të rrethanave të ngjarjes . Në vendin e ngjarjes është sekuestruar arma e zjarrit Pistoletë.
Shtetasi F. Ll. ndodhet nën kujdesin e mjekëve për momentin jashtë rrezikut për jetën.
