Foto Ilustruese
Policia gjatë kontrollit që kryen për të zbuluar bimë narkotike ka mundur të gjejë në zonën bregdetare në Godull, afër Shëngjinit, në pronë publike, 5 parcela me përmasa të ndryshme me kanabis sativa.
Por ajo çfarë të bie në sy në njoftimin e policisë është se, sipas saj, kanabis ka mbirë vetë në mënyrë natyrale, kjo pasi bimët ishin në mënyrë të çrregullt.
Duket se zona në të cilën janë gjetur bimët e llojit kanabis sativa, ka qenë e mbjellë më përpara, dhe ndoshta kjo ka bërë që këtë herë të mbijnë në mënyrë natyrale.
Ndërsa policia thotë se ka nisur punën për sqarimin e plotë të ngjarjes.
