Facebook sjell risinë e radhës: Një fjalim i heshtur nëpërmjet interferencës!

Kompania e Facebook-ut ka bërë me dije se po punon për të sjellë teknologjinë e saj më të re: kontrollin e kompjuterave direkt nga truri ynë. Aktualisht po merret me zhvillimin e një programi që mendohet të quhet “fjalimi i heshtur”, i cili do të lejojë njerëzit të shkruajnë deri në 100 fjalë në minutë, direkt nga truri i tyre. Ky projekt i cili është në hapat e tij të parë, duket se do të kërkojë teknologji shumë të sofistikuar për të zbuluar valët e trurit, pa qenë nevoja e një ndërhyrjeje.
“Nuk është qellimi ynë të dëshifrojmë mendimet tuaja. Ju mendoni shumë gjëra në një moment, por jo të gjitha i ndani me të tjerët. Dhe pikërisht për këtë po flasim, për të zbuluar fjalët që ju zgjidhni të thoni. Një fjalim i heshtur nëpërmjet interferencës.”-u shpreh një nga përfaqësueset e kompanisë.
Sipas BBC, për ta arritur këtë, Facebook-u ka punësuar një skuadër me rreth 60 shkencëtarë që do të merren me realizimin e projektit. Ndërsa nga ana tjetër, vetë Mark Zuckerberg shtoi: “Truri ynë prodhon të dhëna që mjaftojnë për transmetimin e 4 filmave HD çdo sekondë. Ne po punojmë në një sistem që do të mund të lejojë të “shkruash” menjëherë nga mendja juaj, rreth 5 herë më shpejtë se ç’mund ta bëni këtë nëpërmjet smartphone-it. Ajo që po përpiqemi të bëjmë është se duam ta kthejmë këtë ide në tekonologji të prekshme, që më pas të prodhohet në masë.
Aktualisht tekonologjitë e “kontrollit të trurit” operojnë në tregje, por janë shumë të thjeshta krahasuar më këtë. Me këto deklarata, Facebook-u po parashikon teknologjinë më të avancuar për momentin. “Kontrolli i trurit” nëpërmjet interferencës mendohet të arrihet nëpërmjet vendosjes së një çipi