Kryetari i PD-së. Lulzim Basha deklaroi sot tek cadra e protestës se qeveritë si kjo socialiste është tirani dhe tirania ndalet ose përmbyset.
“Nuk duhet të qahemi për të keqen por të ngrihemi sëbashku për ta mposhtuar të keqen. Detyrat tona janë të qarta: ta ndalim tiraninë, qeverisja jashtë kushtetutës dhe ligjit është tirani. Dhe tiranitë ndalen ose përmbysen. Ky është mësim i madh i demokracive të mëdha”, deklaroi Basha mes një entuziasmi gjithnjë e në rritje mes protestuesve të opozitës.
Asgjë nuk ka për të ndryshuar, asgjë nuk ka për tu bërë më mirë nëse nuk ndajmë politikën me krimin, tha Basha
Në përgjigje të Ramës se PD nuk do që PS të hyjë në zgjedhje, Basha theksoi se është një nga tezat me të cilat po luan kryeministri.
“Me tezën që ne duam të pengojnë PS në zgjedhje e ti fitojë ato, se Rama po e bën qëndresën jo për karrigen e tij për të kapur zgjedhjet, por se ai do të bëjë drejtësinë dhe shtetin. Kanë ngritur me një tufë të korruptuarish ndërkombëtarë mitin se Rama do drejtësinë dhe ne nuk e duam, e për një kohë të gjatë na kanë kompleksuar dhe u kemi thënë jo ne duam reformën, nuk është e vërtetë e kundërta, sa e dëmshme është të jesh difensiv përballë së keqes. Që ne e duam reformën e kemi provuar me votë dhe s’ka nevoja ta themi e mbrojmë më, por sot është dita ti them Ramës dhe kujtdo që e mbështet në këtë komplot lundër lirive me cfarëdo pasaporte se kurrë Rama nuk do ta ketë drejtësinë shqiptare se PD nuk do jetë kurrë alibia që ai dhe kriminelët të shtinë në dorë drejtësisë”- tha Basha.
Kreu i demokratëve ka theksuar në fund se fitorja është çshtje ditësh.
“Rama e di fare mirë se fitorja e kësaj kauze është cështje ditësh se republika e vjetër po vdes dhe e reja për lind. 1200 orë qëndresë, u them se këtë ditë që po vjen unë e kam parë dhe gëzuar në Evropë dhe e di që po vjen këtu që ta gëzojnë të gjithë shqiptarët si evropiane të vërtetë ju jap fjalën me mirënjohjen më të thellë për sakrificën tuaj se asgjë nuk do të jetë më si më parë, fitorja do të jetë e juaja”, tha kreu i opozites.
