Nisur nga makinat e tyre dhe jo nga vetë ata, mediat shkruan sot se ka pasur një takim mes kreu të PD, Lulzim Basha dhe kreut të LSI-së Ilir Meta.
“Makinat e dy kryetarëve janë parë të parkuara ngjitur me njëra-tjetrën, në një restorant pranë Parlamentit. Por ajo që nuk dihet është fakti nëse dy zyrtarët po mbajnë një takim sëbashku, apo është thjesht një rastësi. Deri më tani nuk është dhënë asnjë njoftim nga zyrat e shtypit për ndonjë takim të mundshëm mes Metës dhe Bashës”, shkruan Panorama.
Por fill pas këtyre lajmeve ka reaguar kreu i Partisë Demokratike Lulzim Basha, duke mohuar që të ketë pasur një takim sot me kreun e Kuvendit Ilir Meta.
“Është gënjeshtër. Nuk ka pasur asnjë takim të tillë mes nesh sot”, u shpreh Basha për ‘Balkanweb’.
