Ballsh, digjet shtëpia, plagoset zjarrëfikësi

Një shtëpi private është përfshirë nga flakët paraditen e sotme në qytetin e Ballshit. Ngjarja ka ndodhur në lagjen “28 nëntori” të qytetit, ndërsa ende nuk dihen shkaqet.
Shërbimet zjarrfikëse kanë ndërhyrë menjëherë, ndërsa një punonjës është plagosur lehtë në tentativën për neutralizimin e flakëve.
Si pasojë e zjarrit nuk ka njoftime për të plagosur, por vetëm dëme materiale. Vijojnë hetimet për zbardhjen e plotë të shkaqeve dhe rrethanave të ngjarjes.