Posti i një kryetari Bashkie nuk mjafton për Xhelal Mziun. I ftuar dje në emisionin “Oktapod” në Vizion Plus, qytetari i parë i Kamzës ka shprehur hapur dëshirën e tij për të qenë ministër në kabinetin qeveritar të Lulzim Bashës.
I pyetur konkretisht nëse ka ambicie për të qenë ministër, Mziu u shpreh se “kam ambicie për të arritur maksimumin e çdo gjëje, për ta bërë Kamzën më të mirë dhe mund ta ndihmoj edhe në qeverisjen qendrore. Besoj se Kamza e meriton për të patur një mbështetje të tillë nga unë si ministër”.
Xhelal Mziu foli edhe për arsyen pse vendosi ta bëjë qytetar nderi të Kamzës, Presidentin e SHBA-ve, Donald Trump. “Jeta e Trump është një frymëzim për mua”, – pohoi kryebashkiaku i Kamzës.
