Gjykata e Lartë shpall moskopetencë, ia delegon gjykimin e Armando Prengës Gjykatës së Kurbinit

Gjykata e Lartë i delegon çështjen e konfliktit të Armando Prengës me familjen Cali, Gjykatës së Kurbinit.
Gjatë seancës së sotme, Gjykata e Lartë shpalli moskompetencë për Armando Prengën, duke e transferuar çështjen në Gjykatën e Kurbinit. Mësohet se pas dorëzimit të mandatit, Prenga nuk mund të gjykohet më në Gjykatën e Lartë.
Armando Prenga dorëzoi mandatin e deputetit në fund të muajit shkurt.
Prenga është në një konflikt me familjen Cali në Lezhë, për lagunën e Patokut.
Pak kohë më parë pjesëtarë të familjes  Cali  nuk tërhiqen nga akuzat e tyre ndaj deputetit socialist Armando Prenga.  Gjok Cali ka thënë para togave të zeza të Gjykatës së Lartë,  se ne konfliktin e dy viteve me parë,  deputeti   kishte qëlluar me armë në drejtim të tij,  por plumbi nuk e kishte  kapur dhe më pas  e kishte goditur me qytën e pistoletës.