Izraeliti i kapur dje në Rinas ka nxitur prokurorinë të hapë një hetim rreth pajisjeve që ai kishte me vete.
Burime të Droni.al bënë të ditur se bazuar në dëshminë e izraelitit ai është shoqëruar me një deputet të majtë në Tiranë. I njëjti burim nuk pranoi të tregonte me emër deputetin ndërkaq të njëjtat burime thanë se shtetasi Yoram Frig nuk kishte me vete një përgjues. Pajisja e kapur në Rinas ka qene një aparat që detekton përgjuesit dhe që nuk lejon që në një ambient të caktuar të përgjohet, sipas Lapsi.al.
Ai ndodhej në Tiranë prej dy ditësh, ndërsa mbrëmë do të largohej nga aeroporti i Rinasit. Të dhënat e para thonë se shtetasi izraelit ka dy kompani investigimi.Droni.al
