Saimir Tahiri sot u shkarkua si ministër, nesër në Prokuroi për Emiljano Shullazin

Samiri Tahiri zyrtarisht nga sot nuk është ministër i Brendshëm. Pas votimit të sotëm nga Kuvendi, për shkarkimin e tij, mësohet se nesër ai do ta nis ditën e punës si “ish-ministër”, duke u paraqitur në Prokurorinë e Krimeve të Rënda.
Dy prokurorët Elisabeta Imeraj dhe Ened Nakuçi, i kanë dërguar flet-thirrje ministrit Tahiri, për tu paraqitur pranë organit të akuzës. Mësohet se Tahiri do të merret në pyetje si dëshmitar me cilësinë e personit që ka dijeni për ngjarjen e kërcënimit të dy profesorëve Dhori Kule dhe Mynir Koni. Burimet thonë se Saimir Tahiri, do të jap shpjegime për bisedën me dy profesorët Koni e Kule, pasi këta të fundit gjatë marrjes në pyetje, kanë pretenduar se ka qenë ministri Tahiri ai që I ka premtuar zgjidhjen e çështjes. Në procesverbalin e deklarimeve, mes tjerash, dy profesorët janë shprehur se pas kërcënimit nga një grup personash në oborrin e një hoteli të njohur, ata janë kontaktuar nga drejtori I policisë së Tiranës Ervin Hodaj. Ky i fundit, thonë profesorët, i ka shoqëruar për një takim me ministrin Tahiri. Gjatë këtij takimi, dy profesorët kanë pretenduar se ministri pasi është vënë në dijeni për kërcënimin, i ka premtuar profesorëve zgjidhjen e çështjes dhe zbardhjen e ngjarjes. Për këtë fakt, burimet thonë, se ish-ministri Saimri Tahiri do të jap shpjegime para prokurorëve të çështjes, të cilët janë drejt përfundimit të fazës hetimore për Emiljano SHullazin dhe të dyshuarit si pjesëtar të “bandës” së tij.
Për kërcënimin e profesorëve Koni e Kule, prokuroria mësohet se ka pyetur edhe drejtorin e policisë së Tiranës, Ervin Hodaj. Ky i fundit, thonë burimet, ka shpjeguar para hetuesve për të gjitha procedurat ndjekur që nga momenti I marrjes në dijeni për kërcënimin e deri te shoqrimi I Emiljano Shullazit dhe më pas arrestimin e tij. Mësohet se Hodaj, ka treguar edhe për hetimet operative që policia ka kryer ndaj këtij personi apo dyshuarve si pjesëtarë të bandës së tij.