Seanca e sotme e Kuvendit ka vijuar me replika midis deputetit Ben Blushi dhe kryeministri Edi Rama.
Ndërsa Rama “shpjegoi” pse nuk e bëri ministër Blushin, deputeti i LIBRA-s nga ana e tij, riartikuloi akuzën për mbushjen e parlamentit me banditë e kriminelë nga ana e Edi Ramës.
Kreu i LIBRA-s, Ben Blushi deklaroi sot nga foltorja e Kuvendit se vendi është në krizë dhe qeveria nuk ka aftësi për ta zgjidhur.
Ben Blushi:
Për çfarë arsyesh parlamenti është i bojkotuar nga 40% e vetave, reforma në drejtësi është e bllokuar, negociatat me BE u bllokuan në dhjetor, zgjedhjet mund të bojkotohen nga një pjesë e opozitës se në fakt nuk janë gjithë opozita këta. Çfarë duhet më shumë për krizë?Ka provuar se krizat kthehen në ortek. Jemi një vend ku ekonomia është shumë e brishtë. Edhe sot pashë mazhorancën, shumicën që grindet për arsye që e thellojnë krizën nëse ndodhin. Kam katër vjet që flas për kanabisin dhe nuk kam hyrë në asnjë tender dhe as nuk hyj me koalicionin tuaj. Ministri i ri i Brendshëm duhet të vinte sot dhe të thoshte se çfarë plani ka për luftimin e kanabisit.
Nuk kam shpresë që kjo klasë politike mund të zgjidhë këtë krizë në mënyrë autonome.
Ju mendoni se kjo nuk ka pse zgjidhet, mendoj se mund të zgjidhet dhe pse nuk ka shpresë. Ti kërkojë komunitetin ndërkombëtar të sjellë më shumë vëzhgues në zgjedhje. Roli i policisë është në dyshim për këto zgjedhje dhe nuk është rastësi pse u ndërrua Ministri i Brendshëm. Edhe partia e dytë e koalicionit është ankuar. Roli i policisë mund të jetë në monitorim më të madh. Dy momentet më delikate në muajt e ardhshëm janë zgjedhjet dhe kanabisi. Kufizimi i shpenzimeve në fushatë . Numërimi elektronik.
Kryeministri Edi Rama replikon me Ben Blushin.
Ai akuzoi themeluesin e partisë Libra se ka abuzuar me mandatin e deputetit socialist të elbasanit për të përgojuar dhe baltosur qeverisjen.
Rama tregoi dhe pse ai nuk e bëri ministër “reformatorin e pazbuluar të Shqipërisë”.
Edi Rama:
Beni vdes për pak ministër. Aq shumë vdes për pak ministër sa është gati të shfaqet i rilindur nën lëkurën për tu dukur si politikan i ri në politikën e vjetër ku nuk mungon si politikan i vjetër kulisash që nga koha e qeverisjes së Fatos Nanos. Të vjen vdekje me tepri që të tjetër të bëhen ministra dhe ti jo. Saimir Tahiri, Ilir Beqaj, Blendi Klosi u bë ministër, ti jo
Si mund të ishte ministër, si udhëheqës politik more rezultatin më të dobët në PS në 12 qarqe e jo Blendi Klosi që mori rezultatin më të mirë
Saimir Tahirit, shokut tënd të ngushtë i ankoheshe jashtë kamere pse s’u bëre ministër ndërsa ia ngule thikën më keq se Saliu.
Ben Blushi:
Nuk më vjen keq që pashë një kryeministër të degraduar, më vjen keq që pashë një mik të degraduar.
Unë nuk kam vrarë njeri as kam mbyllur sytë kur është vrarë njeri.
Mua nuk mund të më akuzojë asnjë se jam shoqëruar me banditë e kriminelë. Ti, i fute në parlament. Unë i vetmi “bandit” me të cilin jam shoqëruar, është Edi Rama. Por tani je njeri i degraduar si kryeministër dhe si mik. Më ke një borxh dhe nuk e di a do ma lash njëherë. Të kam kërkuar të më dilje përballë e të votoheshe por ike nga gara dhe këtë borxh do ma lash. Ti je bërë me të gjithë horrat e Shqipërisë prandaj nuk meriton të jesh miku im. Më dil përballë. Ti Edi e ke këtë të vret pas shpine.
DRONI.al
