“Më mirë emrin e lirisë e demokracisë që përfaqëson Donald Trump sesa emrat e xhelatëve e kriminelëve të komunizmit që mbajnë rrugët e shkollat tona. Se Mziu është njeriu që e do lirinë, demokracinë ndaj e sulmojnë më shumë nga të gjithë”, tha Basha.
Fjala është për një inisiativë të kryetarit të Kamzës, Xhelal Mziu për të emërtuar një rrugë të re me emrin e Presidentit Donald Trump.
Mziu, i njohur për emërtimet e bujshme të rrugëve në zonën që drejton prej vitesh. Pak kohë më parë Kryetari i Bashkisë Kamëz e shpalli Donald Trump, ‘Qytetar nderi i Kamzës’ duke u vendosur në qendër të vëmëndjes së shumë medieve botërore.
Kur u pyet nga gazetarët për idenë, ai tha se kjo ndër të tjera erdhi edhe për shkak të izolimit që media e Tiranës i bën Kamzës.
