Këshilltari i Metës: Një komunist i vjetër bëhet ministër, kriza politike do thellohet

Ralf Gjoni, këshilltari i politikës së Jashtme të kreut të Kuvendit ka shpërthyer në akuza ndaj emërimeve të reja në qeverinë Rama. Duke publikuar një foto të vjetër që qarkullon në internet, të Fatmir Xhafajt me Enver Hoxhën, Gjoni shkruan: “Një komunist i vjetër si ministër i Brendshëm ka gjasë të thellojë krizën politike!”
Nuk ka ende një qëndrim publik nga ana e LSI-së për ndryshimet në qeveri, por dy ministra të kësaj partie, Klajda Gjosha dhe Edmond Panariti kanë kërkuar Ilir Metën kryeministër.
Petrit Vasili, në cilësinë e zëvendëskryetarit të Lëvizjes Socialiste për Integrim iu ka shpërndarë sot të gjithë ministrave dhe deputetëve të kësaj partie një SMS, thelbi i së cilës është heqja dorë nga deklaratat e tipit “Meta President” apo “Meta Kryeministër”.