Mediat italiane njoftojnë se cështja plehrave të rrezikshme që janë zhdukur në Shqipëri ka alarmuar institucionet italiane të hetimit.
Gazeta Roma lajmeron se edhe Antimafia Italia dhe Guardia di Finanza jane instaluar ne Shqiperi dhe po hetojne per zhdukjen e 1300 konteniereve. Gazeta citon edhe nje pergjim te anetareve te Ndraghetes ku flasin per investimin ne Landfillin e Sharres duke e cilesuar nje “biznes me perfitim per te gjithe”.
“Burimet tona thonë se oreksi i mafias së plehrave ka bërë që të gllabërohet edhe fusha e shkatërrimit të plehrave në periferi të Tiranës, ajo në Sharrë, që nuk ndodhet shumë larg nga qendrat e banuara. Aty ende digjen plehra dhe Bashkia e Tiranës ka vendosur që të ja besojë një kompanie italiane. Disa sipërmarrës nga Italia e Veriut kanë dalë si persona që do ta marrin. Njerëz të pastër, besojmë. Por ndërhyrjet, bonifikimi dhe sistemimi i kësaj fushe kushton miliona euro. Pas kësaj marrëveshjeje duket se qëndrojnë disa emra të njohur të ekomafias, të cilët arrijnë të futen gjithmonë dhe kudo. Një përgjim i bërë nga Antimafia citon dy personazhe të mafias së Ndraghetës të cilët flasin pikërisht për fushën e plehrave në Tiranë, atë të Sharrës. “Kjo është një punë fiks për ne. Një operacion që nuk duhet humbur”, thuhet në përgjimet e zbardhura nga gazeta italiane Roma.
Pritet të jetë një hetim delikat. Njerëzit e DIA dhe të Guardia di Financa aktualisht ndodhen në Budapest, por edhe në vende të tjera të Lindjes, si në Shqipëri, Maqedoni e Kroaci.
Ata janë të vendosur në ambasadat italiane dhe kanë nisur punën në terren. Gazeta italiane kujton gjithashtu se edhe në Shqipëri ka nisur një hetim në lidhje me këtë megaskandal. Sipas tyre, Prokurori e Durrësit ka nisur hetimet për të zbardhur fatin e 1300 kontenierëve me lëndë kimike të zhdukura pa asnjë gjurmë në Shqipëri.
